ATUR PANAMPI PASRAH PANINGSET

TULADHA ATUR PASRAH PANINGSET

Kula nuwun,

Assalamualaikum Wr.  Wb.

Kawilujengan, kamulyan minggahipun katentreman, mugi tansah kajiwa saha kasarira dhumateng hangga panjenengan sedaya dalasan kula.

Para pinisepuh saha sesepuh ingkang satuhu kinabekten, sumrambahipun para tamu kakung saha putri  ingkang satuhu luhuring budi, maliginipun dhumateng Bp.................................... ingkang minangka srayanipun Bp..................................... sekaliyan ingkang kinurmatan.

Sakderengipun kula nglajengaken matur, langkung rumiyin sumangga kula dherekaken sesarengan ngunjukaken puji syukur wonten ngarsanipun Gusti ingkang Maha Kawasa, ingkang sampun paring kasarasan, kawilujengan saha katentreman dhumateng panjenengan sedaya dalasan kula, satemah ngantos dhumugi wanci punika, panjenengan sedaya dalasan kula taksih saget makempal manunggal wonten ing papan pahargyan punika kanthi wilujeng.

Kula minangka sulihipun Bp................................... kekalih, ngaturaken pambagya wilujeng rawuh saha ngaturaken gunging panuwun, awit rawuh panjenengan  sakpangambyong wonten ing papan pahargyan punika. Wondene atur salam taklim saking Bp....................................... sekaliyan lumantar panjenengan, kula tampi kanthi atur Wa’alaikum salam Wr.  Wb.

Ing saklajengipun hanggen panjenengan masrahaken paningset ingkang arupi  kalpika lan ubarampe sanesipun, ugi kula tampi kanthi bingahing manah, tumunten badhe enggal kula aturaken dhumateng Bp ..................................... kekalih. Ing saklajengipun kula suwun  panjenengan sakpangambyong kersa hangestreni miwah paring pandonga mugi lampahipun pahargyan tansah manggih wilujeng kinalisaken saking sedaya  rubeda.   

Katur Bp ........................................ sakpangambyong, hambok bilih pahargyan sampun paripurna, kula namung ngaturaken wilujeng kondur, mugi ing mangke konduripun tansah manggih rahayu dumugi dalemipun piyambak-piyambak mboten wonten alangan setunggal punapa.

Makaten atur panampi kula minangka sulihipun ingkang hamengku gati. Wonten kirang saha langkungipun hanggen kula matur, kula tansah nyuwun agunging pangapunten.        

Cekap semanten, matur nuwun

Wassalamualaikum Wr.  Wb.

(Sanggar Tresno Budaya)

Baca Selengkapnya

ATUR PASRAH PANINGSET

TULADHA ATUR PASRAH PANINGSET

Kula nuwun,

Assalamualaikum Wr.  Wb.

Kawilujengan, kamulyan minggahipun katentreman, mugi tansah kajiwa saha kasarira dhumateng hangga panjenengan sedaya dalasan kula.

Para pinisepuh saha sesepuh ingkang satuhu kinabekten, sumrambahipun para tamu kakung saha putri ingkang satuhu luhuring budi, maliginipun dumateng  Bp............................ ingkang minangka srayanipun Bp.................................... sekaliyan ingkang kinurmatan.

Sak derengipun kula nglajengaken matur, langkung rumiyin sumangga kula derekaken sesarengan ngunjukaken puji syukur wonten ngarsanipun Gusti ingkang Maha Kawasa, ingkang sampun paring kasarasan, kawilujengan saha katentreman dhumateng panjenengan sedaya dalasan kula, satemah ngantos dhumugi wanci punika, panjenengan sedaya dalasan kula taksih saget makempal manunggal wonten ing papan pahargyan wekdal punika kanthi wilujeng. 

Menggah wigatosing pisowan kula, kula minangka srayanipun Bp............................. kekalih, kapurwakan ngaturaken salam taklim kanti atur Assalamualaikum Wr  Wb,  mugi kahaturaken dhumateng  ingkang hamengku gati. Ing saklajengipun sowan kula ing mriki dipun sinaraya supados hamasrahaken paningset ingkang arupi kalpika  lan ubarampe sanesipun, saha taksih kathah ingkang badhe kula aturaken, hananging mboten saget kula sebataken setunggal mbaka setunggal, awit sedayanipun sampun cekap paningset ingkang arupi kalpika saha ubarampe sanesipun kula pasrahaken dhumateng panjenengan, lan kula sakpangambyong namung ndherek memuji mugi lampahipun pahargyan tansah manggih wilujeng ing sedayanipun.

Hambok bilih pahargyan sampun paripurna, kula sakpangambyong nyuwun pamit saha nyuwun donga pangestu, ing mangke wangsul kula tansah manggih wilujeng sedayanipun.

Makaten menggah ingkang saget kula aturaken ing ngarsa panjenengan, mboten katalumpen wonten lepat hanggen kula sowan sakpangambyong, punapa dene kula ingkang minangka talanging basa, wonten kirang saha langkungipun  atur, kula tansah nyuwun agunging pangapunten.

Cekap semanten, matur nuwun.

Wassalamualaikum Wr.  Wb

(Sanggar Tresno Budaya)

Baca Selengkapnya

PAMBIWARA PASRAH PANINGSET

PAMBIWARA
TATA UPACARA PASRAH PANINGSET

Kula nuwun

Assalamualaikum  Wr.  Wb.

Kawilujengan, kamulyan minggahipun katentreman, mugi tansah kajiwa saha kasarira dhumateng hangga panjenengan sedaya dalasan kula.

Sakderengipun kula hanglajengaken menggah menapa ingkang dados wigatosing pahargyan kalenggahan dinten punika; sumangga langkung rumiyin kula dherekaken manengku puja wonten ngarsa dalem Allah SWT ingkang ngantos dinten lan kalenggahan punika, taksih kepareng paring  rohmatipun dhumateng panjenengan sedaya dalasan kula, katitik panjenengan sedaya para tamu kakung saha putri saget hangrawuhi pahargyan lampahipun tata upacara pasrah paningset ing dinten punika.

Para tamu kakung saha putri ingkang winengku ing pakurmatan, wonten ing kalodangan punika kula minangka pambiwara badhe ngaturaken menggah urut reroncening pahargyan ing dinten punika.

-   Lampahing tatacara ingkang sepisan, sak sampunipun pinisepuh saha pangarak badhe besan lenggah sawatawis, kalajengakan pasrah panampining paningset.

-       Paripurna pasrah panampi paningset, kalajengaken liru kalpika.

-       Paripurnaning liru kalpika kalajengaken atur pambagyaharja.

-       Tata cara ingkang pungkasan paripurnaning pahargyan ing kalenggahan punika.

Pratandha paripurnaning pahargyan, kagalih ingkang hamengku gati sampun kadherekaken jumenemg wonten sak ngajenging wiwara pahargyan, ingkang saperlu nampi hatur pamitipun para tamu sedaya.

Makaten para tamu, sampun kula haturaken menggah urut reroncening pahargyan wekdal punika.

TUMAPAKING TATA UPACARA

Para tamu kakung saha putri sumrambah para pinisepuh saha sesepuh ingkang satuhu kinurmatan, hangrungtuti tatacara ing saklajengipun, badhe tumapaking tatacara pasrah panampi paningset, katur Bp ......................................... ingkang kinarya talanging basa panampi saha sulihipun Bp ...................................... sekaliyan, kasuwun siyaga ing diri. Saha katur Bp ........................................ saha Bp ...................................... ingkang minangka panyumbul, kekalihipun kasuwun siyaga ing karya.

Saha dhumateng Bp ...................................... ingkang minangka sulihipun badhe besan, ugi siyaga ing gati, jumenengipun kasumbul Bp .................................. saha Bp ......................................

Kagalih sampun siyaga ing sedayanipun katur Bp ......................................... sasana saha wekdal pasrah sak cekapipun kula aturaken. Nuwun. (Sanggar Tresna Budaya Surakarta)

----------------------------------------------

( ATUR PASRAH PANINGSET )

----------------------------------------------

Makaten sampun paripurna menggah atur pasrah, saklajengipun katur Bp............................................... ingkang kapiji hanampi atur pasrah, sasana saha wekdal sacekapipun kasumanggakaken.

Nuwun.

-----------------------------------------------------------------------

( ATUR PANAMPI PANINGSET )

-----------------------------------------------------------------------

Makaten sampun paripurna  lampahing liru-kalpika, ing saklajengipun katur para tamu kakung saha putri, saking panyuwunipun ingkang hamengku gati kasuwun nglajengaken lelenggahan kanthi mardikaning manah, sinambi hangresepi lelangen gendhing-gendhing saking kadang wira pradangga. 

Nuwun. 

-------------------------------------------------------------------------

Para tamu kakung saha putri ingkang kinurmatan, wonten ing pahargyan wekdal punika kula badhe nglajengakeng menggah tatacara candhakipun inggih punika                       hatur pambagyaharja.

Awit saking bombong saha mongkoging manah, ingkang hamengku gati  mboten kuwawi matur piyambak wonten ngarsa para tamu sedaya. Kanthi punika menggah rumentahing hatur pambagya harja nyuwun gunganipun dhumateng Bp................................ mugi wonten keparengipun sesulih talanging basa hatur pambagyaharja.

Tumapaking tatacara hatur pambagyaharja, katur Bp ......................... sekaliyan keparenga mratitisaken jumenengipun ingkang hamengku gati sekaliyan. Hambokbilih sampun siyaga ing sedayanipun, sasana saha wekdal sakcekapipun kahaturaken.

Nuwun. (Sanggar Tresno Budaya Surakarta)

-----------------------------------------------------------------------

 ( ATUR PAMBAGYAHARJA )

-----------------------------------------------------------------------

Makaten sampun paripurna atur pambagyaharja ingkang kasarira Bp ...............................

Ing saklajengipun katur para tamu kakung saha putri mugi  keparenga lelenggahan kanthi mardikaning manah sinambi midhangetan lelangen saking kadang wirapradangga.

Para tamu kakung saha putri ingkang winantu ing pakurmatan. Mekaten sampun paripurna menggah pahargyan wonten ing kalenggahan punika, ing saklajengipun katur Bp ................................sekaliyan kasuwun mratitisaken jumenengipun ingkang hamengku gati, wonten sakngajenging kori pahargyan, ingkang saperlu tangkep asta saha ndherekaken konduripun para tamu sedaya.

Konduripun para tamu sedaya, kula dherekaken kanthi atur, mugi wilujeng ingkang sami pinanggih. Nuwun.

Wassalamualaikum Warahmatullahi Wabarakatuh.

(Sanggar Tresno Budaya Surakarta)

Baca Selengkapnya

TULADHA ATUR PANAMPI PANGLAMAR

Kula nuwun,

Assalamualaikum  Wr.  Wb.

            Kawilujengan, kamulyan minggahipun katentreman, mugi tansah kajiwa saha kasarira dhumateng hangga panjenengan sedaya dalasan kula.

            Katur Bp ........................................ sak sedherek ingkang kinurmatan, langkung rumiyin sumangga kula dherekaken ngunjukaken puji syukur wonten ngarsanipun Gusti ingkang Maha kawasa, ingkang sampun paring kasarasan, kawilujengan saha katentreman dhumateng panjenengan sedaya dalasan kula, satemah ngantos dumugi wanci  punika taksih saget makempal manunggal wonten ing dalemipun Bp....................................... kanthi wilujeng.

            Ing saklajengipun kula kepareng matur maliginipun dhumateng Bp ........................................ ingkang minangka sulihipun Bp................................... sekaliyan. Sak derengipun kula nglajengaken matur, kula ndherek pitepangan bilih kula .............................. minangka sulihipun Bp..................................... kekalih inggih tiyang sepuhipun Rr.................................. .

            Menggah punapa ingkang sampun panjenengan ngendikakaken kalawau, kula sampun mangertos sedaya, saha ing mangke namung sumarah dhumateng lare kula ingkang badhe  nglampahi  (......................nanting larenipun.............................)

Saksampunipun kula nari lare kula menggah atur panglamar panjenengan kula tampi. Ewadene dinten Ijab Qabul saha pahargyan mangke saget dipun rembag sanes wekdal.

            Makaten ingkang saget kula aturaken dhumateng panjenengan sak sedherek, wonten kirang saha langkungipun hanggen kula matur, kula sak keluarga tansah nyuwun agunging pangapunten.

Cekap semanten, matur nuwun.

Assalamualaikum  Wr.  Wb.

(Dening Sanggar Tresna Budaya Surakarta / 085600699926)

Baca Selengkapnya

TULADHA ATUR PANGLAMAR

Kula nuwun

Assalamu’alaikum WrWb

Kawilujengan karaharjan minggahipun katentreman mugi tamsah kajiwa kasarira dhumateng hanggo panjenengan sedaya lan kula

Mugi wonten keparengipun kula sumela matur sawetawis maligi dhumateng Bapa ______________ sekaliyan minangka tiyang sepuhipun Rara ______________________

Langkung rumiyin sumangga kula dhereaken manengku puja dhumateng Pangeran Ingkang Murbeng Dumadi, ingkang sampun paring kamirahanipun saha kanugrahan  dhumateng panjenengan sedaya lan kula, satemah kanti kanugrahan kala wau, kula sak sederek saget sowan wonten ngarsa panjenengan kanthi pinaringan wilujeng kalis ing rubeda sedayanipun.

Ing sak lajengipun sak derengipun kula nglajengaken matur, kula nderek pitepangan, kaliyan brayat panjenengan sakeluarga, bilih kula pinaringan nama Sutrisno, minangka sesulihipun saking tiyang sepuh Bagus _________________ ingkang gegriya ing _______________.

Wonten ing wekdal ingkang prayogi menika mugi wonten keparengipun kula badhe matur wonten ngarsa panjenengan sakluarga ingkang saperlu badhe nglahiraken ingkang dados raos pangraosing manah kula.

Wosing gati anggen kula sowan sak sederek menawi wonten keparengipun lan danganing penggalih gegandengan anak kula sampun nemtoaken ingkang dados pilihan lan jodhonipun nedya gesang bebrayan kaliyan putra panjenengan ingkang asesilih Rara __________________, kanthi awrat anggen kula matur mugi panyuwun kula lan panglamaripun anak kula punika dipun kabulaken, purba wasesa dhumateng panjenengan.

Wusananing anggen kula matur, kanthi kalodangan panjenengan sekluarga kula aturaken agunging panuwun.

Makaten ingkang saget kula aturaken, hambok bilih katah kekirangan saha klanta-klentuning atur kula nyuwun agunging pangapunten.

Nuwun. Matur Nuwun

Wassalamu’alaikum WrWb


(Dening Sanggar Tresna Budaya Surakarta / 085600699926)

Baca Selengkapnya

KISI-KISI PENILAIAN TENGAH SEMESTER GASAL TAHUN 2018/2019

KISI-KISI PENILAIAN TENGAH SEMESTER GASAL
TAHUN PELAJARAN 2018/2019

SMP NEGERI 1 WONOGIRI

KELAS 7 KURIKULUM 2013 DOWNLOAD DI SINI !
KELAS 8 KURIKULUM 2013 DOWNLOAD DI SINI !
KELAS 9 KURIKULUM 2013 DOWNLOAD DI SINI !
KELAS 8 KTSP DOWNLOAD DI SINI !

Baca Selengkapnya

KISI-KISI PENILAIAN AKHIR TAHUN BAHASA INGGRIS SMP

Kisi-kisi Penilaian Akhir Tahun SMP Mata Pelajaran Bahasa Inggris.
Untuk kalangan sendiri SMP Negeri 1 Wonogiri

Kisi-kisi disusun oleh Tim MGMP Bahasa Inggris Kabupaten

KELAS 7 KTSP  DOWNLOAD disini
KELAS 8 KTSP DOWNLOAD disini
KELAS 7 K13    DOWNLOAD disini
KELAS 8 K13    DOWNLOAD disini

Baca Selengkapnya