PAMBAGYAHARJO LELAYU/KESRIPAHAN

 Tuladha Pambagyaharja ing Kesripahan

Bismillahirahmanirahim… Assalamualaikum wr wb

 

Innalilahi wainaillaihirojiun.

 

Sakyektosipun sedoyo ingkang gesang ing ngalam donya menika kagunganipun Gusti Allah pramilo boten mokal bilih samangkenipun badhe kondur dhateng ngarsanipun Gusti Allah.

 

Kados prastowo ingkang kasandang penjenenganipun Almarhumah ibu Sri Umiyani ingkang katemben marak sowan dhateng ngarsanipun Gusti Allah SWT rikala dinten Rabu Legi surya kaping pitu Agustus 2024 wonten ing RS Kasih Ibu Surakarta lantaran gerah sakwetawis wekdal.

 

Estunipun keluarga boten kirang-kirang anggenipun mbudidaya murih Almarhumah saget waluyo jati, jati satemah waluyo, namung pambudidayaning manungso boten saget nduwo karsaning Gusti ingkang Maha Kawasa, kridaning budi datan saget mbedhah kutaning pasti, hawit saking meniko poro putro sageta ngiklasaken sedanipun Almarhumah Ibu Sri Umiyani.

 

Poro pinisepuh sesepuh ingkang satuhu kinabekten, para asung bela sungkawa ingkang kulo hormati, hawit saking raos sungkawaning manah, Bopo Suharto Mulyono ingkang katemben nandang duhkito, tinilar Almarhumah Ibu Sri Umiyani, panjenenganipun Bopo Suharto Mulyono mboten kuwawi matur wonten ngarsa panjenengan sedaya, kanthi meniko kulo pinongko sesulih saking Bopo Suharyo Mulyono sak kluarga, keparengo kulo matur ing ngarsa panjenengan sedaya, wonten ing pangruktinipun layon dinten punika.

 

Para asung bela sungkawa ingkang satuhu kinurmatan...

Ingkang sepisan, Bopo Suharto Mulyono sak kalawangsa ngaturaken sugeng rawuh saha ngaturaken panuwun ingkang tanpa pepindan awit rawuh panjenengan sedaya ing pangruktinipun layon menika.

 

Lan ugi hambok bilih anggenipun nampi rawuh panjenengan sedoyo, wonten kirang ing samudayanipun Bopo Suharto Mulyono tansah nyuwun pangapunten ingkang agung.

 

Ingkang ongko kalih, mboten katalumpen ugi panjenenganipun Bopo Suharyo Mulyono mawantu-wantu nyuwun tambahing dungo pamuji mugi-mugi alusanipun almarhumah Ibu Sri Umiyani katampio wonten ngarsanipun Gusi Allah SWT, dipun paringono papan panggenan ingkang langkung sae tinimbang wonten alam ndunyo, dipun tampi sedoyo amal kesaenanipun, dipun apunten sedoyo duso kalepatanipun, dipun fajaraken kuburipun, tinebihno sikso kuburipun, kalebetaken sedo ingkang khusnul khotimah.

 

Soho poro putro ingkang tinilar tansaho manggih bagyo mulyo, rahayu wilujeng, tansah dipun paringi ketabahan, kesabaran, kesehatan soho kekiatan iman satemah saget nglajengaken cita-citanipun almarhumah duk rikolo taksih sugengipun.

 

Ingkang ongko tigo, hambok bilih rikolo sugengipun almarhumah Ibu Sri Umiyani  hanggadahi kalepatan dumateng panjenengan sedoyo, mugi panjenengan ugi kerso paring pangapunten, lan hambok bilih duk rikolo sugengipun almarhumah Ibu Sri Umiyani nggadahi petangan awujud menopo kemawon dumateng panjenengan sedoyo, samangke sak bibaripun pangruktinipun layon kulo aturi seambetan kalian poro ahli warisipun supados dipun rampungaken sahenggo estu pisowananipun almarhumah saget resik saking petangan kadunyan.

 

Ingkang ongko sekawan, Bopo Suharto Mulyono ngaturaken agunging panuwun, dumateng poro sanak kadang, tonggo tepalih, poro mitro pitepangan ingkang sampun kepareng paring jurung pambyantu awujud menopo kemawon. Mugi sedoyo kacatet dados amal sholeh panjenengan,satemah Gusti Allah SWT paring lintu ngkang sak traju kaliyan amal kesaenan panjenengan sedoyo.

 

Ingkang ongko gangsal, nyaosi pirso bilih layonipun almarhumah Ibu Sri Umiyani badhe kasareaken wonten makam Pracimoloyo Makamhaji, pramilo hambok bilih poro asung bela sungkawa samangke sepen ing pambengan dalasan dangan ing penggalih, kaaturan nderekaken soho nguntapaken layonipun dumugi pemakaman, namung hambok bilih taksih kathah ayahan ingkang mboten saget tinilar, konduripun nderekaken sugeng kondur, mugi-mugi rahayu ingkang sami pinanggih, dumugi dalemipun piyambak-piyambak.

 

Ingkang pungkasan, Kulo pribadi hambok bilih anggen kulo ngaturaken pambagyo nawung sungkowo kathah klentu saha kekirangan, nyuwun agunging samudro pangaksami.

 

Akhiru kalam wabillahi toufik wal hidayah. Wassalamualaikum wrwb.

Subscribe, Like, and Share my Youtube channel trisnosolo

Baca Selengkapnya

REKENING GHOIB

 

9 Rahasia  REKENING  GAIB  Sepanjang Masa

1. Rekening yang  pertama  belilah  sarung  atau  mukena.  Lalu  sedekahkanlah  di  masjid  yang  ramai  di sekitar  kota  Anda  yang  Anda  tahu.  Maka  setiap  kali  orang  memakai  sarung  atau  mukena  yang Anda  sedekahkan  ini,  maka  pahala  orang  yang  sholat  ini  pun  juga  akan  mengalir  kepada  Anda selama  sarung  dan  mukena  ini  dipakai. 

2. Rekening yang  kedua,  berikanlah  sumbangan  kepada  masjid  yang  sedang  direnovasi  atau  dibangun. Nggak  perlu  harus  besar,  kecil  pun  tak  masalah  yang  penting  Anda  menjadi  bagian  darinya.  Bisa nyumbang  biaya per  meternya, atau beliin  1  kardus keramiknya, 1  sak  semennya  bahkan 1  keran pun  tak  jadi soal.  Maka selama  masjid  ini  berdiri  dan  dipakai untuk sholat, pahala pun  akan  terus mengalir untuk  Anda. 

3. Rekening yang  ketiga,  belilah  Al  Quran.  Lalu  letakkan  di  masjid-masjid  atau  di  rumah-rumah  tahfidz. Hadiahkan  Qur’an  ini.  Maka  selama  Qur’an  ini  terus  dibaca,  berharaplah  setiap  hurufnya  akan menjadi pahala  bagi Anda juga. 

4. Rekening yang  keempat,  bersedekahlah  kepada  sekolah  atau  madrasah  yang  mengajarkan  Qur’an. Salah  satu  alasan  kenapa  saya  mendirikan  sebuah  TPA  dan  TK  adalah  karena  di dalamnya Qur’an diajarkan.  Dan  setiap  kali  Qur’an  dihapalkan  oleh  anak-anak,  hingga  nanti  dia  dewasa menggunakannya  dalam  sholatnya,  insyaallah,  saya  pun  akan  mendapatkan  pahalanya.  Karena terhitung  sebagai pembuka  jalan  kebaikan. 

5. Rekening yang  kelima,  tanggunglah  kehidupan  seorang  yatim.  Jika  Anda  berani  dan  mampu  maka tanggunglah  kehidupan  seorang  yatim.  Ini  seperti  membeli  nyawa  kedua.  Mungkin  kita  akan lebih  dulu  tua  dan  meninggal.  Maka  saat  itu  terjadi,  sementara  anak  yatim  yang  pernah  kita asuh  masih  tumbuh.  Seluruh  amal  kebaikannya  pun  akan  menjadi  wasilah  bagi  bertambahnya hitungan  amal  kita  pula.  Kalau  belum  punya  cukup  kemampuan,  minimal  bayarin  SPP bulanannya di  sekolah. 

6. Rekening yang  keenam, tanggunglah  makan seorang  guru  atau  ustadz.  Seorang  guru  yang  mengajar setiap  hari  dengan  ikhlas,  mengajarkan  kebaikan  ke  banyak  anak  sepanjang  hidupnya.  Jika  kita ikut  berbakti  menanggung  kehidupannya,  maka  kita  pun  akan  memiliki  rekening  amal  seperti yang  guru  tersebut  punya.  Karena  kita  adalah  yang  ikut  membantu  beliau  untu  terus  mampu memperpanjang  nafas  dakwahnya. 

7. Rekening yang  ketujuh,  tanamlah  sebuah  pohon.  Menanam  pohon  akan  sangat  bermanfaat. Apalagi  jika  pohon  ini  mampu  hidup  ratusan  tahun.  Selain  membantu  menyediakan  oksigen, barang  siapa  yang  berteduh  di  bawahnya  pun  akan  terhitung  menjadi  catatan  amal  kebaikan kita. ini seperti  memiliki  pohon  amal yang  tiap  saat  bisa dipetik  tanpa mengenal  musiman. 

8. Rekening yang  kedelapan,  belilah  kursi  roda.  Lalu  sedekahkanlah  ke  klinik  atau  rumah  sakit  atau panti  jompo.  Maka  setiap  kali  kursi  roda  ini  termanfaatkan.  Bisa  Anda  bisa  bayangkan  amalanamalan  baik  ini  pun  akan  terus mengalir untuk  Anda. 

9. Rekening yang  kesembilan,  yang  paling  murah  diantara  semuanya.  Sebarkanlah tulisan ini  jika Anda merasa bahwa ini  bermanfaat. Maka apapun  perbuatan baik yang  akan lahir setelah orang  membaca  artikel  ini,  semoga  itu  pun  menjadi  catatan  amal  kebaikan  Anda.  Karena  lewat membagikannya,  Anda  sudah  menjadi  pembuka  jalan  kebaikan  dan  menunjukkan  jalan  kebaikan kepada orang  lain. Itulah  bonus  terakhir  yang  bisa  saya  berikan  untuk  Anda.  Saya  harap  ilmunya  benar-benar Woow  untuk  Anda  semua  dan  yang  lebih  penting,  ini  semua  bisa  bekerja  untuk  Anda.  tentu hanya jika Anda  mau  melakukannya dengan  serius  dan  konsisten. Terima Kasih..  dan  semoga  bermanfaat. Salam  dari  saya untuk  keluarga Anda di  rumah.

Source: Anonimuous WAG

Baca Selengkapnya

SEBUTAN DINTEN BASA JAWI

Kagem pangenget-enget kula aturaken sebutan wulan lan dinten basa Jawi,Piyantun Jawi sampun ngantos ninggalaken Jawinipun.

A.Wulan utawi Sasi

1.Wadana ( Januari ).

2.Wijangga ( Februari ).

3.Wiyana ( Maret ).

4.Widada ( April )

5.Widarpa ( Mei )

6.Wilapa ( Juni )

7.Wahana ( Juli )

8.Wanana ( Agustus )

9.Wurana ( September )

10.Wujana ( Oktober )

11.Wujala ( Nopember )

12.Warana ( Desember ).

B.Dinten

1.Radite ( Ahad )

2.Soma ( Senin )

3.Hanggara ( Selasa )

4.Buda ( Rabu )

5.Respati ( Kamis )

6.Sukra ( Jumat )

7.Tumpak ( Sabtu )

Neptunipun dinten

1.Ahad: 5

2.Senin: 4

3.Selasa: 3

4.Rabu: 7

5.Kamis: 8

6.Jum'at: 6

7.Sabtu: 9

C . PEKENAN/WETON JAWI

Pon = Jenar

Wage = Cemengan.

Kliwon = Kasih.

Legi =. Manis

Pahing = Abritan/jenar

D.Neptu Weton Jawi

1.Pahing : 9

2.Pon : 7

3.Wage : 4

4.Kliwon : 8

5.Legi : 5

Mugi-mugi wonten paedahipun,sinambi nguri-uri budaya adiluhung Jawi kita,menawi kirang utawi lepat nyuwun koreksi,Matur nuwun.

E. Arane Wuku

Sawuku umure saminggu,cacahe Wuku ana 30,

yaiku :

Wuku Shinta

Wuku Landhep

Wuku Wukir

Wuku Kuranthil

Wuku Tolu

Wuku Gumbreng

Wuku Warigalit

Wuku Warig agung

Wuku Julungwangi

Wuku Sungsang

Wuku Galungan

Wuku Kuningan

Wuku Langkir

Wuku Arandhasiya

Wuku Julungpujut

Wuku Pahang

Wuku Kuruwelut

Wuku Marakeh

Wuku Tambir

Wuku Medhangkungan

Wuku Maktal

Wuku Wuye

Wuku Manakil

Wuku Prangbabat

Wuku Bala

Wuku Wungu

Wuku Wayang

Wuku Kulawu

Wuku Dhukut

Wuku Watugunung

F. Arane Sasi Masehi

Januari,Februari,Maret,April,Mei,Juni,Juli,Agustus,September,Oktober,Nopember,Desember

G. Arane Sasi Arab.

Muharram,Safar,Rabiul Awal,Rabiutsani,Jumadil Ula,Jumadil Tsaniyah,Rajab,Sya’ban, Ramadhan,Syawal,Dzulqadah,Dzulhijjah

H.Arane Sasi Jawa

Sura,Sapar,Mulud,Bakda Mulud,Jumadil Awal,Jumadil Akhir,Rejeb,Ruwah,Pasa,Sawal, Dulkangidah/Selo,Besar.

I. Arane Taun

Alip,Ehe,Jimawal,Je,Dal,Be,Wawu,Jinakir

J. Arane Windu

Adi,Kuntara,Sangara,Sancaya

K. Arane Wilangan Jawi

Siji = Eka

Loro = Dwi

Telu = Tri

Papat = Catur

Lima = Panca

Nem = Sad

Pitu = Sapta

Wolu = Asta

Sanga = Nawa

Sepuluh = Dasa

Satus = Sata

Sewu = Sasra

Sepuluh ewu = Saleksa

Satus ewu = Sakethi

Sayuta = Sayuta

L. Arane Wayah

.Jam 03:00 : Wayah Fajar Sidik ( Bang-Bang Wetan ).

.Jam 04:00 : Wayah Bedhug Subuh.

.Jam 05:00 : Wayah Saput Lemah

.Jam 06:00 : Wayah Byar

.Jam 09:00 : Wayah Tengange

.Jam 10:00 : Wayah Wisan Gawe

.Jam 12:00 : Wayah Bedhug

.Jam 13:00 : Wayah Luhur

.Jam 15:00 : Wayah Lingsir Kulon

.Jam 16:00 : Wayah Asar

.Jam 17:00 : Wayah Tunggang Gunung

.Jam 17:30 : Wayah Tribalayu

.Jam 18:30 : Wayah Surub/Candrikala

.Jam 19:00 : Wayah Bakda Magrib

.Jam 19:30 : Wayah Isya’

.Jam 20:00 : Wayah Bakda Isya’

.Jam 21:00 : Wayah Sirep Bocah

.Jam 23:00 : Wayah Sirep Wong

.Jam 24:00 : Wayah Tengah Wengi

.Jam 01.00 : Wayah Lingsir Wengi

M. Arane Kiblat

Lor = Utara

Kidul = Daksina

Wetan = Purwa

Kulon = Pracima

Mugi2 Wong jowo mboten ilang JAWANE

Baca Selengkapnya

TULADHA PANDONGA PAHARGYAN PENGANTEN ADAT JAWA

TULADHA PANDONGA

PAHARGYAN PENGANTEN ADAT JAWA

Yaa Allah, ya Rohman 
Mugi Paduka ndadosaken pernikahan punika pernikahan ingkah kebak barokah 
Dados pambukaning rahmat kagem penganten kekalih, 
saha tiyang sepuhipun, keluarga lan sedaya ummat 
Pernikahan ingkang saged nyampurnakaken iman saha Islamipun 
Pernikahan ingkang saget ndadosaken peganten kekalih tansah sabar lan syukur 
Pernikahan ingkang saged ndadosaken penganten kekalih langkung dewasa 
Saged ndadosaken margi kagem penganten kekalih pinaringan welas asih saking Paduka 

Ya Allah, ya Ghoffar 
Mugi Paduka paring pangapunten dhumateng penganten kekalih, awit sedaya kalepatan saha kekhilafanipun...... 
Saha kalepatan dhumateng tiyang sepuhipun, miwah kalepatan sanes-sanesipun 
Mugi keparenga Paduka paring dhumateng penganten kekalih qalbu ingkang suci lan niat ingkang jejeg 
Mugi keparenga Paduka paring dhumateng penganten kekalih tekad ingkang kiat 
Mugi penganten kekalih Paduka tedahaken margi ingkang dipun Ridhai 
Mugi keparenga penganten kekalih Paduka reksa saking panggodaning Syetan supados saged nglampahi gesang bebrayan ingkang sae 

Ya Allah ya Ahad 
Mugi kepareng Paduka paring dhumateng penganten kekalih manah ingkang manunggal 
Kados dene Paduka manunggalaken Adam lan Hawa 
Kados dene Paduka ndadosaken welas lan asih antawisipun Rasulullah lan Khadijatul Kubra 
Kados dene Paduka ndadosaken welas lan asih ingkang tulus antawisipun Ali bin Abi Thalib lan Fatimatus Zahra 

Ya Allah ya Wadud 
Mugi kepareng Paduka paring dhumateng penganten kekalih Tresna trinesnanan rikala caket 
Ingkang tansah njagi satunggal lan satunggalipun rikala tebih 
Ingkang tansah sami caos panglipur rikala susah 
Ingkang sami caos pepenget supados tansah taat 
Ingkang tansah sami caos pandonga kagem kesaenan 
Ingkang tansah sami nyampurnakaken ibadahipun

Robbanaa hablana min azwaajina … dst 
Allohumma aarinal haqqo haqqo… dst 
Robbana aatina fi dunya hasanah… dst
Robbana taqobbal minna innaka anta samiul aliim. Watub alaina innaka anta tawaaburrohiim
Wa shollallohu ala sayyidina … dst

Wassalamu alaikum warahmatullahi wa barokatuh

(Sanggar Tresno Budaya Surakarta - 085-6006-999-26)

Baca Selengkapnya

PAMBAGYAHARJA NGUNDUH MANTU (BOYONG PENGANTEN)

HATUR PAMBAGYAHARJA

PAHARGYAN NGUNDUH MANTU (BOYONG PENGANTEN)

Kula nuwun

Assalamualaikum  Wr  Wb.

Kawilujengan, kamulyan minggahipun katentreman, mugi tansah kajiwa saha kasarira dhumateng hangga panjenengan sedaya dalasan kula.

Para pinisepuh saha sesepuh ingkang satuhu kinabekten, sumrambahipun dhumateng para tamu kakung saha putri ingkang winantu ing pakurmatan.

Nuhoni dhawuhipun Bp ..................................... kekalih, keparenga kula matur ing ngarsa panjenengan sedaya, namung sak derengipun kula nglajengaken matur, langkung rumiyin sumangga kula dherekaken sesarengan ngunjukaken puji syukur wonten ngarsanipun Gusti ingkang Maha Kawasa, ingkang sampun paring kasarasan, kawilujengan saha katentreman dhumateng panjenengan sedaya dalasan kula, satemah ngantos ing titi wanci punika panjenenga lan kula taksih saget makempal manunggal wonten ing wisma pahargyan kanthi manggih suka basuki.

(Wigatosing atur kula minangka sesulih saking Bp ............... kekalih kepareng matur wonten ngarsa panjenengan sedaya awit bombonging manah, ingkang hamengku gati sampun ngawuningani semanten kathahipun para tamu engkang kepareng lenggah ing sasana pahargyan, kanthi makaten Bp ....................kekalih mboten kuwawi matur piyambak, namung kandheg wonten ing jangga kewala.)

Para tamu kakung saha putri ingkang winantu bagya mulya, minangka babaring atur, kepareng kula ngambali ngaturaken pambagya wilujeng rawuh saha gunging panuwun ingkang tanpa pepindan, awit saking rawuh panjenengan sedaya. Maliginipun dhumateng besan sekaliyan jangkep sakpendherek ingkang kula tresnani, mugi panjenengan sedaya keparenga lelenggahan kanthi suka mardikaning manah, nganthos dumugi pari-purnaning pahargyan [pawiwahan] ing kalenggahan punika.

Para tamu kakung saha putri ingkang winengku ing karahayon, panyuwunipun saking Bp................................ kekalih, mugi wonten keparengipun para tamu kakung saha putri  paring pandonga dhumateng putra penganten sekaliyan, mugi ing mangkenipun putra ingkang nembe kaboyong punika, sageta ngabekti dhumateng Gusti Allah SWT miwah mituhu dhumateng tiyang sepuhipun kekalih, lan mboten kesupen sageta labuh labet dhumateng bebrayan agung ing masyarakat.

Atur saklajengipun Bp ..................................... kekalih ugi ngaturaken panuwun ingkang tanpa upami dhumateng sanak kadang, mitra pitepangan sedaya ingkang sampun kepareng hanyengkuyung saha paring tali asih menapa dene pambiyantu ingkang arupi punapa kemawon, awit peparing panjenengan kalawau saget ndamel enthenging sesanggan  ingkang hamengku gati, sepisan malih hangaturaken agunging panuwun.

Awit saking panyengkuyung panjenengan sedaya, ingkang hamengku gati mboten saget caos piwales menapa-menapa, namung sedaya kalawau kahaturaken wonten ngarsanipun ingkang Maha Kawasa, mugi-mugi kanthi kesaenan panjenengan pinaringan lelintu ingkang samurwat saha saget dados amal ingkang sae maliginipun  dhumateng pribadi panjenengan piyambak-piyambak.

Hambokbilih hanggenipun nampi rawuh panjenengan sedaya saha hanggenipun caos papan palenggahan saha sanes-sanesipun, kirang mrananani saha kirang trep kaliyan kalenggahan panjenengan sedaya,  Bp.......................................... kekalih nyuwun agunging pangapunten.

Ndungkap atur saklajengipun, panyuwunipun Bp ....................................... kekalih, dhumateng para tamu kakung saha putri ingkang sampun kepareng lenggah wonten ing sasana pahargyan boyong penganten punika, kasuwun hanglajengaken lelenggahan ngantos paripurnaning pahargyan.

Makaten menggah atur kula, kula minangka sulihipun ingkang hamengku gati, wonten kirang saha langkungipun hanggen kula matur, kula nyuwun agunging  pangapunten.

Cekap semanten, matur nuwun.

Wassalamualaikum  Wr.  Wb.

(Sanggar Tresno Budaya Surakarta - 085-6006-999-26)

Baca Selengkapnya

PANAMPI PASRAH NGUNDUH MANTU (BOYONG PENGANTEN)

PANAMPI PASRAH

NGUNDUH MANTU (BOYONG PENGANTEN)

Kula nuwun.

Assalamualaikum Wr  Wb.

Kawilujengan, kamulyan minggahipun katentreman, mugi tansah kajiwa saha kasarira dhumateng hangga panjenengan sedaya dalasan kula.

Para pinisepuh saha sesepuh ingkang satuhu kinabekten, sumrambahipun para tamu kakung saha putri ingkang satuhu luhuring budi, maliginipun Bp....................................... ingkang minangka srayanipun Bp.......................................... sekaliyan. 

Langkung rumiyin sumangga kula dherekaken sesarengan, ngunjukaken puji syukur wonten ing ngarsanipun Gusti ingkang Maha Kawasa, ingkang sampun paring kasarasan, kawilujengan saha katentreman dhumateng panjenengan sedaya dalasan kula, satemah wonten ing titi wanci punika, panjenengan sedaya dalasan kula, taksih saget makempal manunggal wonten ing papan pahargyan kanthi wilujeng.

Kula minangka sulihipun Bp........................................ kekalih, ngaturaken pambagya wilujeng rawuh saha gunging panuwun awit rawuh panjenengan sakpangambyong  wonten ing papan pahargyan punika, wondene anggen panjenengan ngaturaken salam taklim saking Bp.......................................... sekaliyan, kula tampi kanthi atur Wa’alaikum salam Wr  Wb, tumuli badhe kula aturaken dhumateng ingkang hamengku gati.

Ing  saklajengipun hanggen panjenengan masrahaken penganten sarimbit, ugi kula tampi  kanthi bingahing manah, tumuli badhe hanindakaken tata cara pahargyan nut satataning adat ingkang sampun lumampah wonten ing wewengkon mriki. Ing salajengipun kula suwun panjenengan sapangombyong kersa hangestreni saha paring pandonga dhumateng penganten sarimbit lan mugi lampahipun pahargyan tansah manggih wilujeng, kinalisa saking sedaya  rubeda.

Katur Bp.................................... sakpangambyong, hambokbilih pahargyan samangke sampun paripurna, kula namung  ndherek ngaturaken wilujeng kondur, mugi ing mangke konduripun tansah manggih wilujeng, dumugi dalemipun piyambak-piyambak mboten wonten alangan setunggal punapa.

Makaten atur panampi kula, kula minangka sulihipun ingkang hamengku gati, sepisan malih wonten kirang saha langkungipun hanggen kula matur, kula tansah nyuwun agunging pangapunten.

Cekap semanten, matur nuwun

Wassalamualaikum Wr.  Wb.

(Sanggar Tresno Budaya Surakarta 085-6006-999-26)

Baca Selengkapnya

HATUR PASRAH PENGANTEN (NGUNDUH MANTU)

HATUR PASRAH

PAHARGYAN NGUNDUH MANTU (BOYONG PENGANTEN)

Kula nuwun

Assalamualaikum Wr  Wb.

Kawilujengan, kamulyan minggahipun katentreman, mugi tansah kajiwa kasarira dhumateng hangga panjenengan sedaya dalasan kula.

Para pinisepuh saha sesepuh ingkang satuhu kinabekten, sumrambahipun para tamu kakung saha putri  ingkang satuhu luhuring budi, maliginipun Bp......................................... ingkang minangka srayanipun Bp.......................................... sekaliyan.

Sak derengipun kula nglajengaken matur, langkung rumiyin sumangga kula dherekaken sesarengan ngunjukaken puji syukur wonten ngarsanipun Gusti ingkang Maha Kawasa, ingkang sampun paring kasarasan, kawilujengan saha katentreman dhumateng panjenengan sedaya dalasan kula, satemah ing titi wanci  punika, panjenengan sedaya dalasan kula taksih saged makempal manunggal wonten ing papan pahargyan kanthi wilujeng.

Menggah wigatosing pisowan kula, kula minangka srayanipun  Bp................................ kekalih,  ngaturaken salam taklim kanthi atur Assalamualaikum Wr wb,   mugi  kahaturaken dhumateng  ingkang hamengku gati, hatur salajengipun sowan kula dipun sinaraya supados hamasrahaken penganten sarimbit Bg.................................. admajanipun Bp....................................... sekaliyan, ingkang sampun hanjatu krami kaliyan Rara.................................... putra pawestrinipun Bp......................................sekaliyan.

Awit  sedayanipun sampun cekap, pramila penganten sarimbit kula pasrahaken dhumateng panjenengan, mugi ing mangke penganten kekalih kagulawenthah kados dene putranipun piyambak. Ing saklajengipun kula sakpangambyong namung ndherek memuji, mugi lampahipun pahargyan tansah  manggih wilujeng kalis ing sedaya rubeda.

Hambok bilih pahargyan samangke sampun paripurna, kula sakpangambyong  nyuwun pamit saha nyuwun donga pangestu ing mangke wangsul kula tansah manggih wilujeng ing sedayanipun.

Makaten menggah ingkang saget kula aturaken wonten ngarsa panjenengan, mboten kesupen wonten lepat anggen kula sowan sakpangambyong, punapa dene kula ingkang minangka talanging basa, wonten kirang saha langkungipun kula tansah nyuwun agunging pangapunten.

 Cekap semanten, Matur nuwun

 Wassalamualaikum Wr  Wb.

(Sanggar Tresno Budaya Surakarta 085-6006-999-26)

Baca Selengkapnya

PAMBIWARA PAHARGYAN NGUNDUH MANTU

PAMBIWARA PAHARGYAN BOYONG PENGANTEN

(NGUNDUH MANTU) ADAT JAWA

Kula nuwun

Assalamualaikum  Wr.  Wb.

Para pinisepuh saha sesepuh ingkang satuhu kinabekten, sumrambah para tamu kakung saha putri ingkang kinurmatan.

Purwakaning atur, langkung rumiyin sumangga kula dherekaken sesarengan ngunjukaken puji syukur dhumateng Gusti ingkang Maha Kawasa ingkang taksih kepareng paring  kamirahan dhumateng panjenengan sedaya dalasan kula.

Nun inggih, kanthi peparing kanugrahan saking pangeran ingkang Maha Kawasa kalawau, wonten pahargyan ing titiwanci punika mugi kalisa ing rubeda sedayanipun, aamiin.

Ing sak lajengipun, kula minangka pambiwara wonten ing pahargyan punika badhe ngaturaken urut reroncening tatacara ingkang badhe lumampah:

-          Ingkang sepisan, rawuhipun penganten sarimbit saha pangombyong;

-          Kalajengaken lampahing tatacara pasrah panampi penganten sarimbit;

-    Paripurna pasrah panampi, kalajengaken lampahing tatacara adat: gepyokan, ngunjuk toya wening, kinalungan sekar rinonce kalajengaken  singkeban sindur;

-   Paripurna lampahing tatacara adat, kalajengaken penganten sarimbit kaboyong saha    kadherekaken lenggah ing sasana palenggahan,

-          Saksampunipun penganten lenggah, kalajengaken waosan pandonga,

-          Paripurna waosan pandonga, kalajengaken tata upacara pangabekten.

-          Paripurna pangabekten, kalajengaken hatur sugata utawi lelangen budaya sawatawis,

-  Ing saklajengipun, lelangen budaya kasigeg, kalajengaken lampahing tatacara hatur pambagyaharja,

-          Saksampunipun hatur pambagyaharja, kalajengaken peparing sabda tama,

-          Paripurna peparing sabda tama pratanda paripurnaning pahargyan ing kalenggahan punika.

Mekaten para tamu kakung saha putri, sampun kula haturaken menggah urut reroncening tata cara pahargyan ing wanci punika.

Ing saklajengipun katur para tamu kasuwun hanyekecakaken lenggah sinambi midhangetaken ungeling gendhing-gendhing ingkang kapiyarsa. Nuwun, matur nuwun.

------------- Rawuhipun pemanten sarimbit ..................

Para tamu kakung saha putri ingkang kinurmatan, kados-kados sampun wonten tengara menggah rawuhipun penganten sarimbit.

Awit saking punika, katur Bp ............................ ingkang kapiji nampi pasrah, kasuwun siyaga ing gati, makaten ugi dhumateng Bp.................................... saha Bp ................................... ingkang minangka panyumbul. Katur para asma ingkang sampun sinebat, kasuwun jumeneng wonten ing sasana pangandikan.

-Rawuhipun penganten sarimbit, sinubagya ungeling Ladrang Wilujeng Pbr.

Saget ngrumpaka (menawi wekdalipun nyekapi)

“Kawuryan temanten sarimbit sampun jengkar saking panti busana binayangkare kadang ingkang sampun piniji, temanten sarimbit hanggenya lumaksana wonten ing samadyaning pahargyan katon atut runtut gegandhengan asta tan bisa ginggang sakrikma pinara sapta. Tindakipun temanten sarimbit menawi pun pirsani nyengsemaken ingkang samya mirsani.

Saya caket tindakipun penganten sarimbit sampun prapteng unggyan ingkang tinuju. 

( Kalajengaken pasrah panampi )

            Katur Bp .................................. ingkang minangka pangarsaning lampah, sasana pasrah sawetahipun kasumanggakaken. Nuwun

(HATUR PASRAH)

Makaten sampun paripurna menggah atur pasrah, ing saklajengipun katur Bp..................................... wekdal panampi atur pasrah sakwetahipun kahaturaken. Nuwun

(HATUR PANAMPI PASRAH)

Makaten sampun paripurna menggah atur pasrah saha panampi. Ing saklajengipun badhe kalajengaken tatacara adat jawi ingkang winastan gepyokan, saha kalajengaken ngunjuk toya wening lan mengagem sangsang sekar mlathi rinonce

Ingkang ngasta unjukan tirta wening Ibu .................. Ing saklajengipun Ibu ....................... (penganten kakung) ngunjukaken tirta wening.

Saksampunipun paripurna lampahing tatacara adat jawi, kalajengaken putra penganten sarimbit sinengkeban sindur dening keng ibu, saha ing mangke tindakipun pinanganten sarimbit, ing ngarsa sung tuladha Bp............................ inggih keng ramanipun penganten kakung.

(Tindakipun penganten sinubagya ungeling Ketawang Boyong Basuki Pbr.)                       

(Saget karumpaka, hambokbilih wekdalipun hanyekapi )

Para tamu kakung saha putri ingkang kinormatan, sampun prapteng ungyan kang tinuju, ing saklajengipun badhe kalajengaken waosan pandonga, ewadene ingkang minangka mangarsani waosan pandonga Bp..........................................

Hambokbilih sampun samepta ing karya, wekdal pandonga sakcekaipun kula haturaken.  matur nuwun.

(Hambokbilih kawontenaken waosan ayat suci AL QUR’AN, saget dipun rumiyinaken/sak derengipun waosan pandonga).

----------------------------------------------------------------------------------------------------

Makaten sampun paripurna menggah waosan pandonga, kalajengaken tatacara adat ingkang winastan pangabekten.

Katur  ibu .................................... kasuwun mratitisaken lampahipun pangabekten, saha katur Bp ................................ kasuwun hanglolos ageman duwung penganten kakung.

Kagalih sampun siyaga sedayanipun, dhumateng ingkang tinanggenah sasana saha wekdal kula sumanggakaken, nuwun. Amrih rahayuning lampah widadaning sedya, lampahing pangabekten kairing ungeling Ladrang Santimulya / Mugirahayu.

Makaten sampun paripurna pangabekten, ing saklajengipun tumapak  hatur pambagyaharja.

Hatur pambagyaharja badhe kasarira dening Bp .................................. minangka sulihipun Bp ................... kekalih. Jumenengipun Bp .......................... kasumbul Bp ................................... saha Bp.............................. Katur Bp ....................................... sekaliyan kasuwun njumenengaken putra penganten  sarimbit, ingkang jinajaran rama ibu saha besan sekaliyan.

Hambokbilih sampun siyaga sedayanipun, sasana saha wekdal sakcekapipun kula sumanggakaken. Matur  nuwun.

(HATUR PAMBAGYAHARJA)

Makaten sampun pari purna menggah hatur pambagyaharja, ing saklajengipun katur para tamu kakung putri sedaya kasuwun hanyekecakaken lenggah, sinambi midhangetaken lelangen gendhing-gendhing ingkang badhe kahaturaken saking wirapradangga. Matur nuwun.

(HATUR SABDA TAMA) menawi wonten

Para tamu kakung saha putri ingkang kinurmatan, kados-kados pahargyan prasaja ing kalenggahan punika dungkap paripurna.

            Awit saking punika, katur Bp ............................... sekaliyan mugi keparenga nderekaken jengkaripun penganten sarimbit, rama ibu saha besan sekaliyan, tumuju sak ngajengipun kori pawiwahan sakperlu nampi atur pamitipun para tamu sedaya.

Hambokbilih sampun siyaga sedayanipun, sumangga wekdal sawetahipun kula sumanggakaken.

          Minangka pratandha paripurna pahargyan, hambokbilih sampun kapireng ungeling Ayak-Ayakan Slendromanyura, saha kalajengaken Ladrang Tedak Saking Pbr, kalajengaken Ladrang Gleyong Pl 6.

[ Nengga bidhaling tamu jengkar, sinambi matur ]

Para tamu kakung saha putri, makaten sampun paripurna pahargyan prasaja ing kalenggahan punika, mboten kesupen kula ingkang minangka pambiwara ing kalenggahan wekdal punika, hambokbilih manggih kalepatan ingkang arupi menapa kemawon, kula tansah hanyenyadhong lumunturing pangapunten.

Saha konduripun para tamu sedaya kula derekaken kanthi asesanti jaya-jaya wijayanti rahayuwa ingkang sami pinanggih.

Nuwun, matur nuwun.

Wassalamualaikum  Wr.  Wb.

(Sanggar Tresno Budaya Surakarta / 085-6006-999-26)

Baca Selengkapnya